Mauri!
Mauri, Mauri, Mauri!
Kam nna bane ni mauri!
Te kamauri nakoimi mai iroun Goals for Good Foundation. Goals for Good Foundation bon te botaki ae inaomata (NGO) ae e rio man aia iango ake a tangiria ni kan anga aia boutoka ao aia ibuobuoki nakon Kiribati - e ngae ngke e uarereke te buoka ke te ibuobuoki ae a kona n anga.
E moan waaki iangoan katean te botaki aio n Turai 2014 imwin rokoia i Kiribati temanna te tia rabakau ae arana Dr. Gene Rankey ma natina aika Nei Liz ao Nei Mary Kate. Dr. Gene e a bon mwaiti rorokona i Kiribati, ao e aki toki n tataekina tamaroan Kiribati nakoia natina aikai ni karokoa n te taina ao e a kairiia natina bwa a nang bon noora Kiribati. N rokoia natin teuaio i Kiribati, ao a tibwa noora bukin bwakan nanon aia karo i Kiribati, e ngae gke angiia I-Amerika a tuai man ongongoo taekana (ke n ataia bwa ngaia bon te aba naba Kiribati). Man aio ao e a rio aia iango ataeinaine aikai bwa a nang katea aia botaki are tabena te kakaai angaa ake ana kona n reke iai buoka nakoia kaain Kiribati, riki buoka mai Amerika. Man aia botumwaaka ao kekeiaki ao e a tei te rabwa ae ngaia te Goals for Good Foundation, n raonaki irouia uoman riki raoia, Tion Uriam ao Danielle Doolittle.
Te Goals for Good Foundation bon te rabwata teuana ae e tei ibukin boutokaan te reitaki ao te ikarebai. Aio are e irerekereke naba ma katabangakan rongorongon Kiribati i Amerika, riki iaon te maiu i Kiribati, te katei ni Kiribati, ao ai bon kanganga ake ana kona n kaitibo ma ngaia kaain Kiribati nakon taai aika ana roko. Te website aei e bon reke naba bwa teuana te anga are ana kona naba aomata n karekea riki iai rongorongon Kiribati. Rinanon boutoka aika a mwaiti ao iai ana iango te botaki aio ni kan waakinii karikirake ake ana kona iai n boutokaia ataei n te takakaro rinanon te “Kicks for Kiribati” program ke ni karekei buoka ibukin boutokakiia ataei n te reirei.
Kam bati n rabwa kai e kona n reke ami tai n kawara ara website aio, ao ti teimatoa n butimwaai ami iango aika ana kona n katamaroaa riki aron ara waaki.
Ami bwai Te Mauri, Te Raoi ao Te Tabomoa.
Kam nna bane ni mauri!
Te kamauri nakoimi mai iroun Goals for Good Foundation. Goals for Good Foundation bon te botaki ae inaomata (NGO) ae e rio man aia iango ake a tangiria ni kan anga aia boutoka ao aia ibuobuoki nakon Kiribati - e ngae ngke e uarereke te buoka ke te ibuobuoki ae a kona n anga.
E moan waaki iangoan katean te botaki aio n Turai 2014 imwin rokoia i Kiribati temanna te tia rabakau ae arana Dr. Gene Rankey ma natina aika Nei Liz ao Nei Mary Kate. Dr. Gene e a bon mwaiti rorokona i Kiribati, ao e aki toki n tataekina tamaroan Kiribati nakoia natina aikai ni karokoa n te taina ao e a kairiia natina bwa a nang bon noora Kiribati. N rokoia natin teuaio i Kiribati, ao a tibwa noora bukin bwakan nanon aia karo i Kiribati, e ngae gke angiia I-Amerika a tuai man ongongoo taekana (ke n ataia bwa ngaia bon te aba naba Kiribati). Man aio ao e a rio aia iango ataeinaine aikai bwa a nang katea aia botaki are tabena te kakaai angaa ake ana kona n reke iai buoka nakoia kaain Kiribati, riki buoka mai Amerika. Man aia botumwaaka ao kekeiaki ao e a tei te rabwa ae ngaia te Goals for Good Foundation, n raonaki irouia uoman riki raoia, Tion Uriam ao Danielle Doolittle.
Te Goals for Good Foundation bon te rabwata teuana ae e tei ibukin boutokaan te reitaki ao te ikarebai. Aio are e irerekereke naba ma katabangakan rongorongon Kiribati i Amerika, riki iaon te maiu i Kiribati, te katei ni Kiribati, ao ai bon kanganga ake ana kona n kaitibo ma ngaia kaain Kiribati nakon taai aika ana roko. Te website aei e bon reke naba bwa teuana te anga are ana kona naba aomata n karekea riki iai rongorongon Kiribati. Rinanon boutoka aika a mwaiti ao iai ana iango te botaki aio ni kan waakinii karikirake ake ana kona iai n boutokaia ataei n te takakaro rinanon te “Kicks for Kiribati” program ke ni karekei buoka ibukin boutokakiia ataei n te reirei.
Kam bati n rabwa kai e kona n reke ami tai n kawara ara website aio, ao ti teimatoa n butimwaai ami iango aika ana kona n katamaroaa riki aron ara waaki.
Ami bwai Te Mauri, Te Raoi ao Te Tabomoa.